希望在明天

今日係辯論隊第一次集會，新加入既隊員有唔少都係熟悉既面孔，今年隊一共有27個隊員，希望流失率唔會太高，學期尾既時候唔好得返幾丁友。不過我相信經過幾次密集式既訓練，尤其是係比賽開始之後，一定會有人頂唔順，開始淆底﹑縮沙﹑萌生去意，只希望人數唔會太多，不過要走既終於都要走，更何況咁樣更多既資源就可以用係有心既人身上，都未嘗唔係一件好事。

同時，辯論隊既committee亦順利選出，cheryl你要比心機，唔好比山手點你做野﹑唔好比佢食住，以我為一個反面教材，做一個好隊長呀!!!山手做咗內務副隊長，唉，佢係最令人擔心既，旨意佢開會維持秩序，佢一定第一個破壞秩序，插嘴鬧架佢最叻，成日係到聲大夾惡，要佢維持隊員既良好關係，佢十成十會搞衰d關係。不過...........今年好在有個外務副隊長制衡住佢，佢都幾玩得，又吹得，最緊要係佢會聽人講野，唔似山手咁，你講一句佢已經駁咗十句，董sir仲話debate team會分成兩個小隊，一人lead一隊，到時兩個副隊長鬥，相信一定會有唔少好戲睇。

至於我呢個前任隊長，就升咗上神枱做起(永遠榮譽)顧問啦，不過你地得閒裝返幾支香比我食，我都會保祐你地旗開得勝既，哈哈!!